La mère des poissons

Wichã akaki

La madre de los peces

De la historia de Claudine Chamoreau

The mother of the fishes

“
Kris arwãs chii, to’ arwãma wichã kaportaruri.
”
“
Wichã arkiyo pero naprohte’kwaruri te’ẽ’piro cha’ayo. To’ karĩnĩ to’ arwãma ã as sukuhra wichã kaporneri. Arwã pokleri, neri wichã kaporñã. Aso waña neri.
”
“
Nebolermã, wichã akas chẽri. Ñẽlerma aparpero chẽrina. To’ arwãma ñẽhina: “Ima, tasya kaporpahã”. Arwã neina kaporkayo, kaporkina aparñã. Nei.
”
“
Arki chẽi akina arki ĩrish kwasri. Chẽwamã, to’ arki tõshkwakenarina. To’ wichãma wichã ẽkatari, wichã akakiri. Patañayoma “wichã akaki”.
”
“
To’karo chẽwamã, arki tõshkina. Pike pakwake chẽnina.
”
“
To’ arwãma akoke’ te’kina akawa aishpiro. Te’aishkumã, aishkina: “Tasma aspe te’kawa”. Tikina ĩke: “Piwama wichã akakiya paki”. “Ah” tikina, “naprohapẽ” tiki akawa.
”
“
Neprohlermã ĩ pãskerti. Chã ẽñ kilerma, to’ arwãma pakwakina to’ wichã akakiya.
”
“
Arkiya tikii: “Porkuti”. Akashkwa arkima ñẽhi: “Tasma akatĩ’tawa añãhima”. Akaro paki.
”
“
Ñẽlerima awãro kii wicha akaki. Ñẽlerima to’ arwã wichã akakiyo chuwa aso waña. To’ñã nei. To’ arwãma tewata chuwa, to’ akawana. Ĩ akayama ĩta’ apisti kiwa.
”

Éditrice :
Claudine CHAMOREAU

Dessinatrice :
Françoise COUISSIN

Responsable éditorial :
Martín DEL CASTILLO

Voix pesh :
Angel MARTINEZ TORRES | Juana HERNANDEZ TORRES

Voix anglais :
Adam WEBBER

Voix français :
Fréderic DECOSSE

Voix espagnol :
Mauricio VALLARTA

Coordinatrice numérique:
Françoise LESTAGE

Concepteur Web-designer:
Rémi PACHET

Concepteur Développeur :
Rémi SALLES

Web-designer / Développeur:
Pierre GAILLARD

Animation :
Marie-Alix AYRAULT

Mentions légales

©Mexico, 2017 - ISBN 978-2-11-155559-4