Kris yekorta pok chiriwã kacharaha atahñã.
Takaskro as kawãski. Akreke to' korta pokma u' sewa akawaleri.
To' korta pokma apĩma “Wileri”. Pokro aõhleri. Ĩka akẽs takaskro kaũtro'tihere.
Akãshkwa kaũtro'ki, sa'akaoñã kakastoki. Kakii to' takaskrohi.
Ĩka akẽs aok te'ki, aska paki takaskroma tahpũkras.
Akreke to' askayoma ishti.
U'sewa as neboni takaskroyo anu'kerpiro.
Takaskroma aparñã sukuhi, kabriñã misbarki.
FR ES PS
Ĩkãkẽs warki te'tihere, u' sewa te'ki ú' pawãro papiro.
Añã arnu'kri, arnu'kermã takaskroma chã'tahri.
Akãshkwa takaskro neboni, warki aparñã sukuhi ĩkã akasnetihere. To' takaskro kabriñã miski, u' pawãma ĩñã ishtina.
Tikimi as takaskro akoaro toki ũtro'piro. Tikimima takaskro akaoñã toki akoaro ũtro'piro. Takaskro aiñãh prohwamã pãstiri. Akãshkwa takaskroma ke arnu'tihi ĩkẽ akoa atapunaras.
Ĩkãkẽs aok warki netihere sa'akaoñã apacha kakaspaspiro. To' aokma takaskroyo arosãyo arnu'ki.
Arosãma kasurustakenai, anu pispistai. Akreke arosãma artoktihi. Arkatehi, arkatehpẽ, wreshki.
Takaskroma sá'akaoñã ẽhi.
Akãshkwa ao'kma toki sá'akaoñã. Ãñã kawaskumã apachama ke bokileri. “ Ikãshkwa piwapahasa ?” tikakihĩ to' arwã tapunai.
Akãshkwa tikakihĩ : “ Tatah anũ'ã akuhwa !”
Apacha pokma ãñaweshkiri. Ãñã tõshkineri. To' arwã tapuhnama apĩma “ kakuri ”. Ĩ akayama ĩcha' apisti kiwa.

Éditrice : Claudine CHAMOREAU

Illustrations : Oscar G. HERNÁNDEZ

Voix Pesh : Angel MARTINEZ TORRES

Voix Anglais : Nia BERNARD

Voix Français : Alba MULLER

Voix Espagnol : Alba MULLER

Assemblage : Rodolfo ÁVILA

Maquette : Miguel ÁNGEL MACIÁS

Web-designer : Thomas LATERRIERE

Développeur : Audric BORDEAUX

Mentions légales